وبلىس اكىمى بولات باقاۋوۆتىڭ ايتۋىنشا, بىلتىر «بيزنەستىڭ جول كارتاسى-2020» مەملەكەتتىك باعدارلاماسى اياسىندا 200 كاسىپكەرگە جالپى سوماسى 2,7 ملرد. تەڭگە كولەمىندە كومەك كورسەتىلدى. كاسىپكەرلىك نىساندارىنا 2,1 ملرد. تەڭگەگە ينجەنەرلىك-كوممۋنيكاتسيالىق ينفراقۇرىلىم تارتىلىپتى. «ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋ» باعدارلاماسى بويىنشا 1 ملرد. 300 ميلليون تەڭگەگە 200 نەسيە بەرىلگەن.
ال, «بيزنەس باستاۋ» جوباسى بويىنشا وبلىستا 530 ميلليون تەڭگەگە مال شارۋاشىلىعى سالاسى, مەتالل وڭدەۋ, جيھاز جاساۋ جانە بىلعارى بۇيىمداردى دامىتۋ سياقتى 146 جوبا قارجىلاندىرىلدى. قوسىمشا قارجىلاندىرۋ ناتيجەسىندە بيزنەس باستاۋ ءۇشىن نەسيە الۋشىلار سانى دا كوبەيۋدە.
جيىندا «اتامەكەن» ۇلتتىق كاسىپكەرلەر پالاتاسىنىڭ تورالقا توراعاسى تيمۋر ق ۇلىباەۆ ەلىمىزدە كاسىپكەرلىكتى دامىتىپ, جاڭا بيزنەس-جوبالاردى قارجىلاندىرۋدىڭ تەتىكتەرىن قاراستىرۋ ءۇشىن ارنايى ايماقتىق دامۋ كارتاسى ازىرلەنۋى ءتيىس. كاسىپكەرلەرمەن قاتار, ستۋدەنتتەرگە دە بيزنەستىك قىر-سىرىن ۇيرەتۋدىڭ قاجەتتىلىگىنە توقتالدى. كەلەسى جىلدارى مەكتەپتەردە «كاسىپكەرلىك جانە ونىڭ نەگىزدەرى» ءپانى وقىتىلا باستايدى.
وبلىستىق كاسىپكەرلەر پالاتاسىنىڭ ديرەكتورى سەرىك بايسەيىتوۆتىڭ ايتۋىنشا, قازىر مەملەكەتتىك سەرىكتەستىك باعىتىندا 32,1 ملرد. تەڭگەنى قۇرايتىن 64 جوبانىڭ ءتىزىمى ازىرلەنگەن.
جيىن بارىسىندا جەرگىلىكتى كاسىپكەرلەر قاجەتتى ماسەلەلەرىن ورتاعا سالدى.
فاريدا بىقاي,
«ەگەمەن قازاقستان»
پاۆلودار وبلىسى
